本週生活誌
星期一看了黃子華，當天很感動，終於在愁雲慘霧中露出如日陽般的光芒。
星期二休息了半天再上班，好心情夾雜的不安慢慢變大……晚上跟雨小姐聚餐聊天，互訴近況，我竟然沒有非常熱烈地大談特談我的子華……
星期三忙到焦頭爛額的同時還是爭取到星期六請假，不想再陷入遲到的困窘之中。
星期四，昨天，直屬的、新的上司，竟然係個位度掟野！？囧！！！發脾四發到咁？好驚……驚佢下次會直接掟我！囧！
昨晚我一連看了七集的絕代商嬌去安撫自己受驚的精神/心靈，今日先至返得到工……
星期五，今天，經過幾晚的沉積，我又放棄了，不死撐下去了，反正我對於自己不適合社會的性格有很大程度的認命，不會因此而覺得自己沒用、自卑、自厭；反而死撐去下，我驚自己會崩潰再崩潰。
今天早上遇到送外賣到隔離公司的外賣妹，看起來比我小一兩年而已，卻很開心，哼著歌送外賣……
有點羨慕她，返工返得好似好開心咁。
我個人信奉「唔開心又一日，開心又一日」，但係我唔會夾硬黎。強要自己明明不開心卻裝開心就太殘忍了啦！唔開心就唔開心，開心就開心，見到子華開心咪笑囉，見到上司發皮四，驚都要扮鎮定，但係唔洗放工都仲扮架嘛！唔開心咪搵人呻下囉，唔知搵邊個好咪上網打下字囉！
我唔係傳奇，但係就算我係一個咖喱啡，我都仲係我自己人生的主角呀嘛！今個星期的重頭戲係——與子華見面，但係大壞蛋(?)的角色實在太搶鏡啦……囧！
0 個留言被留下；而:
張貼留言
~留言區~
請不要大意的留言吧！