失敗品

傳說中上帝的…失．敗．品！

　　本來不想打日記了，可是不想睡，就來打一打吧！就當發洩好了。

　　唉！唔開心，唔開心，唔開心，因為，唔開心，所以唔開心，就唔開心，唔知可以點。
　　煩！唔知點解會咁。

　　喊過之後，今日全日都好戒備狀態，控制唔到，遇到咩都好緊張，或者係叫繃緊？是但啦，呢個moment我唔想研究咁多中文字字義啦！get到就得啦！

　　然後，返房就狂聽澤仔的在晴朗的一天出發，實在想笑一笑，雖然有些無聊，也解決不了什麼，可是多笑一些，總比多煩一些好掛？

　　笑完，有冇變好其實好難知，不過笑緊的果兩個鐘頭，係輕鬆些，唔繃緊囉！

　　天日要去補堂，又要面對臭臉老師……我承認，面對他我會有壓力，加上佢話過我，壓力更大，大到我想逃走，返澳門，唔讀落去，反正畢業要修４個學期的體育，我今年都搞成咁，應該都拿不到合格，即係仲係差４個學期的體育，即係未來兩年都要忍受可能更惡的體育老師……

　　只係幻想，就想喊，真係想喊，好想喊，好憎自己咁失敗，除左係呢方面，我從來唔覺得自己有咩失敗，就算信錯人，愛錯人，睇錯人，都唔覺得自己有咩唔好，更咪提失敗兩隻字，即使出動到我最驚的老媽子，我都只係驚，冇話咩野失敗！加埋果個不知所謂的家庭，都唔覺得自已失敗，係當初組家庭果兩個白癡的大大大失敗之嘛！關我鬼事！我唔會認輸架！

　　而這副傳說中健全的身軀，一再把我擊倒！我可以控制手腳，可以做很多事，可是，就係無法協調地做到各項運動的標準動作，或者應該改成：傳說中上帝的失敗品。

--------------------------------------------------

同類標籤下的舊文 :